Շորթկոդերի չբարձրաձայնված խնդիրը

Կարճ կոդերը (shortcodes) WordPress-ի գագաթնակետերից մեկն են։ Կարճ կոդերը կամուրջ են ծրագրավորողների և կայք ստեղծողների միջև՝ թույլ տալով տեղադրել բովանդակության բարդ տարրեր գրեթե ցանկացած վայրում, որտեղ նրանք ցանկանում են։ Փլագին ստեղծողները սիրում են կարճ կոդերը, քանի որ դա ավելի մեծ ճկունություն է տալիս այն հարցում, թե ինչպես և որտեղ են իրենց օգտատերերը ցուցադրում իրենց բովանդակությունը։

Եթե չգիտեք, թե ինչ են կարճ կոդերը և ինչ տեսք ունեն, ապա դրանք քառակուսի փակագծերում առնված կոդանման արխայիկ տեքստերն են։ Դրանք ունեն մոտավորապես այսպիսի տեսք.

Այս կոնկրետ տարբերակը կոչվում է embed կարճ կոդ և լռելյայն ներկառուցված է WordPress-ում։ Այն ներդնում է տեսանյութը URL-ից ձեր բովանդակության մեջ։ Պարզապես պատճենեք և տեղադրեք վերևի կարճ կոդը ձեր կայքում, եթե ցանկանում եք փորձարկել այն։

Կուլիսների հետևում տեղի է ունենում հետևյալը. երբ WordPress-ը ձեր բովանդակության մեջ կարճ կոդ է հանդիպում, այն մշակվում և վերածվում է մեկ այլ բանի։ Վերևում նշված մեր դեպքում, ամեն անգամ, երբ հայտնաբերվում է

կարճ կոդ, WordPress-ը վերցնում է կարճ կոդի մեջ եղած URL-ը և համեմատում այն իր ունեցած բովանդակության մի շարք մատակարարների ցանկի հետ։ Երբ գտնում է համապատասխանը, այնուհետև ստանում է համապատասխան iframe ներդրման կոդը և ցուցադրում այն փոխարենը։

Այդ դեպքում ո՞րն է խնդիրը։ Այն բավականին հեշտ է թվում՝ պարզապես մուտքագրում եք փակագծերով կարճ տեքստ, և վերջ։

Ահա և Shortcode API-ն…

Կարճ կոդերի առատություն

Shortcode API-ն ծրագրավորողների առջև բացում է կարճ կոդեր ստեղծելու հնարավորությունը։ Դրա շնորհիվ ծրագրավորողները կարող են ավելացնել իրենց իսկ սեփական կարճ կոդերը իրենց փլագիններում։

Սա հիանալի է. այժմ ընդամենը կարճ, կոդանման հատվածի օգնությամբ (այստեղից էլ «կարճ կոդ» / “shortcode” անվանումը), ինչպես սկսնակները, այնպես էլ առաջադեմ օգտատերերը կարող են տեղադրել փաստացի ցանկացած տեսակի բովանդակություն ցանկացած վայրում։

WordPress-ը լռելյայն ունի ընդամենը մի քանի կարճ կոդ։ Դրանք հեշտ է մտապահելով գրել, քանի որ քիչ են։ Բայց եթե տեղադրեք մի քանի փլագին, կարճ կոդերի քանակը արագորեն հասնում է մեկ տասնյակի կամ ավելիի, իսկ որոշ դեպքերում՝ ավելի քան հարյուրի։ Յուրաքանչյուր կարճ կոդ ունի ատրիբուտների իր հավաքածուն և օգտագործման հրահանգները։ Յուրաքանչյուր փլագին, ամենայն հավանականությամբ, ունի որոշակի փաստաթղթավորում այն մասին, թե ինչպես են աշխատում իր բոլոր կարճ կոդերը, և թվարկում է յուրաքանչյուրում հասանելի բոլոր պարամետրերը։ Բայց դուք խենթ կլինեք, եթե փորձեք անգիր հիշել բոլոր կարճ կոդերն ու դրանց ատրիբուտները։

Խնդիրն այն է, որ չկա որևէ կենտրոնացված վայր, որտեղ կարող եք գտնել ձեր կայքում հասանելի բոլոր կարճ կոդերը և իմանալ, թե ինչպես օգտագործել դրանք։

Ոմանք փորձում են լուծել խնդիրը

Որոշ փլագիններ փորձում են լուծել այս խնդիրը՝ ներկայացնելով իրենց բոլոր կարճ կոդերը հեշտ հասանելի բացվող ցանկում։ Այնուհետև դրանցից մեկի վրա սեղմելը արտածում է կարճ կոդը՝ իր բոլոր հնարավոր ատրիբուտներով։ Այլևս կարիք չկա այն մտապահելու, ինչը լավ է։

Ոմանք ավելի հեռուն են գնում և ավելացնում են կարգավորումների ելնող պատուհան, որն ունի նշման վանդակներ և գույնի ընտրիչներ՝ կարճ կոդի ատրիբուտները լրացնելու համար։

Այս լուծումը որոշ չափով աշխատում է։ Այնուամենայնիվ, յուրաքանչյուր փլագին թվարկում է միայն իր սեփական կարճ կոդերը։ Այնպես որ, եթե յուրաքանչյուր փլագին ստեղծի կարճ կոդ ընտրելու իր սեփական ձևը, դուք անխուսափելիորեն կբախվեք այնպիսի իրավիճակների, երբ ձեր էկրանին կլինեն կարճ կոդերի բազմաթիվ ընտրիչներ (սա ինձ հետ նախկինում պատահել է)։

Այլ կերպ ասած՝ յուրաքանչյուր փլագին գործում է յուրովի և ներդնում է իր սեփական լուծումը իր կարճ կոդերի համար։ Որոշ փլագիններ ավելացնում են կա՛մ նոր կոճակ «Add Media» կոճակի կողքին, կա՛մ նոր կոճակ TinyMCE-ի ներսում։

Այժմ դուք կարող եք մտածել. «Իսկ ինչո՞ւ պարզապես չհավաքել նաև մյուս փլագինների կարճ կոդերը և ներառել դրանք ձեր բացվող ցանկում / կարճ կոդերի ընտրիչում»։ Դե, ես հենց այդպես էլ մտածեցի։ Բայց դա ավելի հեշտ է ասել, քան անել։ Քիչ անց կբացատրեմ, թե ինչու, բայց նախ եկեք տեսնենք, թե ինչպիսին կլիներ իդեալական լուծումը։

Իդեալական լուծումը

Կատարյալ ծրագիրը կլիներ ստեղծել մի փլագին, որը կհավաքի ձեր կայքում հասանելի բոլոր կարճ կոդերը, ապա կներկայացնի ձեզ ցուցակը և նաև կօգնի լրացնել բոլոր ատրիբուտները։ Եվ ամեն անգամ, երբ տեղադրեք նոր փլագին, այդ բոլոր նոր ներմուծված կարճ կոդերը նույնպես կներկայացվեն ձեզ։

Պատկերացրեք մի կենտրոնացված վայր, որտեղ ձեր բոլոր կարճ կոդերը տեղադրված կլինեն հեշտ հասանելիության համար։ Յուրաքանչյուր կարճ կոդ կնկարագրի, թե ինչ է անում և որ փլագինին է պատկանում։ Այնուհետև յուրաքանչյուր հասանելի ատրիբուտի համար պատկերացրեք, որ դրանցից յուրաքանչյուրը կունենա պիտակ, դրանց համար արժեք ընտրելու պատշաճ եղանակ և նկարագրություն։ Ձեզ կցուցադրվեն բացվող ցանկեր, գույնի ընտրիչներ, ռադիոկոճակներ, փոխարկիչներ և այլն։

Նման մի բան կհեշտացներ մեր՝ որպես կայքերի և բովանդակության ստեղծողների կյանքը։ Այլևս կարիք չէր լինի ուսումնասիրել տարբեր փաստաթղթավորումներ կամ ձեր ադմինիստրատիվ վահանակի տարբեր բաժիններ՝ պարզապես պատճենելու համար գեներացված կարճ կոդը այն սլայդերի համար, որը ցանկանում եք օգտագործել։

Վերապահումը

Ցավոք, ներկայումս նման բան անելը բավականին դժվար է։ Չկա որևէ հուսալի եղանակ կարճ կոդի բոլոր մանրամասներն իմանալու համար։ Դուք կարող եք ստանալ բոլոր կարճ կոդերի ցանկը, բայց միայն դրանց բուն պիտակները/անունները. դուք չեք կարող ստանալ որևէ լրացուցիչ տեղեկություն դրանց մասին, ինչպիսիք են ատրիբուտների ցանկը, թե ինչ են դրանք անում և ինչ տիպի են՝ օրինակ՝ տող, գույն կամ թիվ։ Ոչ էլ կարող եք ստանալ որևէ նկարագրության նմանվող բան յուրաքանչյուր ատրիբուտի համար։

Նշում ծրագրավորողներին. այո՛, shortcode_atts ֆունկցիայի համար ավելացվել է նոր երրորդ արգումենտ, բայց դա պարտադիր արգումենտ չէ։ Այնպես որ, քանի դեռ աշխարհի բոլոր փլագին մշակողները չեն ներդրել այն, մենք դեռևս չենք ունենա հուսալի միջոց՝ որոշելու կարճ կոդի բոլոր ատրիբուտները։

Shortcode API-ն չի տրամադրում որևէ միջոց կարճ կոդերի նկարագրություններ ավելացնելու, ատրիբուտների տիպերը որոշելու կամ ատրիբուտների նկարագրություններ ավելացնելու համար։ Եվ քանի դեռ հենց ինքը՝ WordPress-ը, չի ավելացրել կարճ կոդեր մուտք գործելու կենտրոնացված տարածք, կասկածում եմ, որ նման հնարավորություն կստեղծվի։

Եզրակացություն

Այս պահին կարճ կոդերը կազմակերպելու խնդիրը թողնված է յուրաքանչյուր ծրագրավորողի հայեցողությանը։ Քանի դեռ WordPress-ի ներսում կենտրոնացված մեթոդ չի մշակվել, սպասեք, որ կշարունակեք տեսնել բազմաթիվ «Add Shortcode» կոճակներ ձեր կառավարման վահանակում։ Արդյոք նման բան պետք է ավելացվի WordPress Core-ում, թե ոչ, ինքնին մեկ այլ մեծ քննարկման թեմա է։

Այլընտրանք

Կան էջ կառուցող փլագիններ, որոնք այլ կերպ են մոտենում այս հարցին։ Ծրագրային եղանակով կարճ կոդերը հայտնաբերելու փոխարեն, դրանք ունեն կարճ կոդերի քարտեզագրիչներ, որտեղ օգտատերերը կարող են ձեռքով մուտքագրել կարճ կոդի յուրաքանչյուր մանրամասն։ Ավարտելուց հետո այն հասանելի կդառնա էջ կառուցողի ներսում։ Թեև  սա աշխատում է, դրանք հասանելի են միայն ձեր սեփական կայքում։

Մենք Page Builder Sandwich-ում ստեղծում ենք մի բան, որը, հուսով ենք, կարող է լուծել կարճ կոդերի այս գլուխկոտրուկը։ Բաժանորդագրվեք մեր տեղեկագրին ստորև՝ մեր առաջընթացի մասին ծանուցումներ ստանալու համար։