Ինչո՞ւ WordPress:

Ձեր առաջին կայքը ստեղծելիս կարևոր հանգամանքներից մեկը, որ պետք է հաշվի առնել՝ անկախ նրանից, թե բիզնես եք, ֆրիլանսեր, թե որևէ մեկ ուրիշը, այն է, որ ոչ բոլորն են տիրապետում կոդավորման և ծրագրային ապահովման մշակման լեզվին։ Դուք կարող եք լինել, օրինակ, խոհարար, ով ցանկանում է իր բաղադրատոմսերը հրապարակել առցանց։ Դուք կարող եք նաև լինել Գեղարվեստի ֆակուլտետի ուսանող, ում անհրաժեշտ է պրոֆեսիոնալ տեսք ունեցող պորտֆոլիո, կամ ստարտափ բիզնես, որին անհրաժեշտ է սեփական կայք։ Անկախ նրանից, թե սրանցից որ մեկն եք դուք, փաստը մնում է փաստ, որ չնայած մեզանից ոմանք կարող են ծանոթ լինել կոդի հիմունքներին, մենք բոլորս լիաժամ ծրագրավորողներ չենք, և ոչ բոլորը, ովքեր կայքի կարիք կամ ցանկություն ունեն, գիտեն, թե ինչպես ստեղծել այն զրոյից։ Ահա թե որտեղ WordPress-ը կարող է օգտակար լինել։ Առաջանում է հարցը՝ «Ինչո՞ւ WordPress»։

ՊԱՏՃԱՌ #1

WordPress-ը բովանդակության կառավարման համակարգ է, ինչը այն դարձնում է լիովին հարմարավետ օգտագործողի համար։

Առաջին բանը, որ դուք պետք է իմանաք, այն է, որ WordPress-ը բովանդակության կառավարման համակարգ է (կամ CMS): Ավելի պարզ ասած, սա նշանակում է, որ WordPress-ը թույլ է տալիս իր օգտատերերին ստեղծել կայքեր՝ առանց զրոյից կոդ գրելու անհրաժեշտության։ Այն ունի համակարգված, կազմակերպված ինտերֆեյս, որը թույլ է տալիս անընդհատ վերահսկել ամեն ինչ՝ առանց ժամանակ առ ժամանակ կոդի մեջ խորանալու։

Համեմատած զրոյից կայք ստեղծելու հետ, որը սովորաբար սկսվում է այսպես՝

Բովանդակության կառավարման համակարգի դեպքում դուք սկսում եք մոտավորապես այսպիսի բանով՝

Դուք կարող եք ինքներդ ձեզ հարցնել․ «WordPress-ը հիանալի է թվում, բայց ի՞նչ անել, եթե այն չունի այն գործառույթները, որոնք ես ցանկանում եմ իմ կայքի համար», կամ «ի՞նչ անել, եթե ես ցանկանում եմ քարտեզ, երաժշտական նվագարկիչ, քեշավորման շարժիչ կամ ավելի հուսալի անվտանգության համակարգ»։

…Տեխնիկապես ասած, WordPress-ը հավանաբար ունի այդ գործառույթը, որը դուք ցանկանում եք, և այն կլինի WordPress-ի փլագինի.

ՊԱՏՃԱՌ #2

Փլագիններ՝ WordPress-ի տորթի վրայի բալը

Եթե անհանգստանում եք, որ WordPress-ը չի ներառում այն կոնկրետ գործառույթը, որը դուք կարող է ցանկանաք ձեր կայքում, մի անհանգստացեք՝ այն հավանաբար ունի դա։

Փլագինները «ընդլայնման հնարավորություններ» են, որոնք գոյություն ունեն ձեր WordPress կայքի ֆունկցիոնալությունը մեծացնելու համար։ Եթե դուք ձեռնարկատեր եք, ում կոնտակտային ձև է անհրաժեշտ իր կայքի համար, ապա պետք է հաշվի առնեք, որ WordPress-ն ինքնին չունի այդ գործառույթը, սակայն կան բազմաթիվ փլագիններ, որոնք ունեն։ Եվ քանի որ WordPress-ը բաց կոդով է (open-source)— ինչը նշանակում է, որ գրեթե ցանկացած ոք կարող է իր ներդրումն ունենալ դրա զարգացման մեջ— կանոնավոր կերպով ստեղծվում են նոր փլագիններ։ Դուք կարող եք ստանալ ձեր ուզած կոնտակտային ձևը և ավելին։ Դուք ազատություն ունեք ավելացնելու այլ փլագիններ՝ սկսած սոցիալական ցանցերում կիսվելու կոճակներից մինչև քարտեզներ և նույնիսկ ձեր կայքի անվտանգության լրացուցիչ միջոցներ, ի թիվս բազմաթիվ այլ գործառույթների ու ընդլայնումների։ Հիմա ասեք՝ մի՞թե դա հիանալի չի հնչում։

Ներկայումս WordPress-ն ունի հազարավոր այդպիսի փլագիններ, և դրանցից մի քանիսը նույնիսկ հասանելի են անվճար և/կամ ունեն անվճար տարբերակներ, այդ թվում՝ PBS.

ՊԱՏՃԱՌ #3

Բաց կոդ՝ WordPress-ի համայնքը

WordPress-ը բաց կոդով է (Open Source): Սա նշանակում է, որ յուրաքանչյուր ոք կարող է ազատորեն իր ներդրումն ունենալ դրա զարգացման գործում, և յուրաքանչյուր ոք կարող է ուսումնասիրել դրա հիմնական կոդը՝ ծրագրային ապահովման մշակման և նույնիսկ հենց WordPress-ի մասին ավելին իմանալու համար։ Կան նույնիսկ բիզնեսներ, որոնք բացառապես նվիրված են WordPress-ի հետ կապված արտադրանքների ստեղծմանն ու զարգացմանը, ինչպիսիք են փլագինները և թեմաները (ինչպես մենք!)։

Քանի որ WordPress-ը բաց կոդով է, կան բազմաթիվ օգտատերեր, ծրագրավորողներ և նույնիսկ դիզայներներ, ովքեր անընդհատ համագործակցում են և նույնիսկ օգնում միմյանց WordPress-ի հետ կապված խնդիրների դեպքում։ Այս կերպ դուք ստանում եք իրական օգնություն իրական մարդկանցից և միևնույն ժամանակ սովորում եք միմյանցից։ Սա մի բան է, որ հաճախորդների սպասարկման սովորական ծառայությունները գրեթե երբեք չեն կարողանում անել։

ՊԱՏՃԱՌ #4

WordPress-ը վստահելի է ու օրինական։

CNN-ը, The Official Star Wars Blog-ը, Time Magazine-ը և նույնիսկ (Օ՜, ԱՍՏՎԱԾ ԻՄ!) Բեյոնսեն բոլորն ունեն WordPress-ով աշխատող կայքեր, ի թիվս շատ ուրիշների։ Այս մեծ անունները միակ բանը չեն, որ հաստատում են WordPress-ի վավերականությունը․ ըստ Treehouse.com-ի՝ համացանցում գործող բոլոր կայքերի մոտ 25%-ն աշխատում է WordPress-ով։ Հաշվի առնելով, թե քանի միլիոնավոր և հազարավոր կայքեր գոյություն ունեն… դե, 25%-ը բավականին մեծ թիվ է։

ՊԱՏՃԱՌ #5

Անհատականացման հսկայական հնարավորություններ։

WordPress-ն ունի թեմաների հսկայական ընտրանի ձեզ և ձեր կայքի համար։ Դուք ազատ եք ընտրելու անվճար տարբերակներից, պրեմիում տարբերակներից կամ նույնիսկ ստեղծելու ինքնուրույն (կամ վարձել որևէ մեկին, ով այն կստեղծի ձեզ համար)։

ՊԱՏՃԱՌ #6:

Այն անվճար է։

Այո, ճիշտ եք կարդացել։ Տեղային մշակման (Local Development) միջոցով WordPress-ը լիովին անվճար է, և կարող եք այն տեղադրել ձեր համակարգչում ընդամենը մեկ կոճակի սեղմումով։ Նմանապես, ծրագրավորող վարձելու փոխարեն, կարող եք օգտագործել կոդավորման վերաբերյալ ձեր ունեցած գիտելիքները՝ ավելին իմանալու, թե ինչպես է աշխատում WordPress-ը (իսկ նոր բան սովորելը միշտ էլ լավ է)։

…չհաշված, որ եթե ժամանակ չունեք շատ խորանալու WordPress-ի և կայքերի ստեղծման մեջ, միշտ կարող եք ձեռք բերել էջեր կառուցող հարմարավետ փլագին և փորձել մերը։

Հիշեք, որ WordPress-ի հետ կան անսահմանափակ հնարավորություններ, և պարտադիր չէ հանճար լինել՝ հասկանալու համար, թե ինչպես է այս ամենն աշխատում։

WordPress-ի օգտագործումը կարող է խնայել ձեզ շատ ժամանակ, գումար և ջանք։ Եվ այն ժամանակաշրջանում, երբ այդ ռեսուրսները խիստ սահմանափակ են, նկատի ունեցեք, որ WordPress կայքերը, դրանց փլագինները (ինչպես PBS-ը), թեմաները և հատկապես համայնքը կարող են մեծապես օգնել ձեզ և շատ ավելի հեշտացնել ամեն ինչ։

Հաջողություն ենք մաղթում կայքերի ստեղծման գործում։